दापोली येथे मुख्याध्यापकांची ऑनलाईन फसवणूक करून 1 लाख 72 हजारांना गंडा घातल्याचा प्रकार समोर आला आहे.
सोशल मीडिया वरून दहा लाखांचे लोन देतो अशी जाहिरात करत दापोली येथील सेवानिवृत्त मुख्याध्यापकाला चौघांनी 1 लाख 72 हजार 554 रुपयांना फसवलं आहे.
याप्रकरणी फसवणूक केलेल्या चौघा जणांविरुद्ध दापोली पोलीस स्थानकामध्ये गुन्हा दाखल करण्यात आला आहे.ही घटना दापोली येथील उदयनगर येथे घडलीय.
याप्रकरणी फिर्यादी सुधीर नरहरी होनवले (59) या सेवानिवृत्त मुख्याध्यापक यांनी चौघां विरुद्ध ही तक्रार दाखल केली आहे.
त्यानुसार 29 जुलै रोजी सकाळी दहा वाजता सुमारास व्हाट्सअप आणि फेसबुकच्या माध्यमातून त्यांना विकास बर्मन, चेतन धुरी, संजीव कुमार आणि अश्विन कुमार या अनोळखी व्यक्तींनी त्यांच्या वेगवेगळ्या मोबाईल क्रमांकावरून सुधीर होनवले यांना दहा लाख रुपये लोन देतो असं सांगितलं.
यासाठी लागणारी प्रोसेसिंग फी, जीएसटीसाठी पैसे भरावे लागतील असं सांगून होनवले यांच्याकडून व्हाट्सअप आणि फेसबुकच्या माध्यमातून 1 लाख 72 हजार 554 रुपये हडप केले आणि त्यांची फसवणूक केली आहे. मुख्याध्यापक यांच्या मोबाईल क्रमांकावरून सुधीर होनवले यांना दहा लाख रुपये लोन देतो असं सांगितलं.
यासाठी लागणारी प्रोसेसिंग फी, जीएसटीसाठी पैसे भरावे लागतील असं सांगून होनवले यांच्याकडून व्हाट्सअप आणि फेसबुकच्या माध्यमातून 1 लाख 72 हजार 554 रुपये हडप केले आणि त्यांची फसवणूक झाली आहे.
याप्रकरणी 4 ऑक्टोबर रोजी दुपारी 12 वाजून 36 मिनिटांनी चौघांविरुद्ध भारतीय न्याय संहिता अधिनियम 2023 चे कलम 318 (4), 3 (5), माहिती तंत्रज्ञान अधिनियम कलम 66 प्रमाणे दापोली पोलीस स्थानकात गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
