राज्याचे उपमुख्यमंत्री तथा राष्ट्रवादी काँग्रेसचे राष्ट्रीय अध्यक्ष अजित पवार यांचे आज (28 जानेवारी) सकाळी बारामती विमानतळावर भीषण अपघातात निधन झाले. विमानाचा अपघात झाल्यानंतर जमिनीवर कोसळल्यानंतर अक्षरश: कोळसा झाला. त्यामुळे या भयावह अपघातात अजित पवारांसह पाच जणांचा मृत्यू झाला.
दापोली शहर व्यापारी महासंघटना आणि दापोली तालुका व्यापारी संघटनेच्या वरिष्ठ पदाधिकाऱ्यांची तातडीची बैठक घेण्यात आली. या बैठकीत शोक व्यक्त करण्यासाठी दापोली शहरातील तसेच संपूर्ण दापोली तालुक्यातील बाजारपेठ आज दुपारी २.३० वाजल्यापासून बंद ठेवण्याचा निर्णय घेण्यात आला.
या निर्णयानुसार दापोली शहरातील मुख्य बाजारपेठ, उपबाजार, तसेच ग्रामीण भागातील व्यापारी आस्थापने दुपारनंतर बंद ठेवण्यात येणार आहेत. व्यापारी संघटनांनी हा निर्णय एकमताने घेतला असून, यामागे शोक व्यक्त करणे व भावनिक संवेदनशीलतेची भूमिका असल्याचे पदाधिकाऱ्यांनी सांगितले.
शहर व्यापारी संघटनेचे अध्यक्ष संदीप राजपुरे, उपाध्यक्ष राकेश कोटीया व कौशिक मेहता तसेच सचिव दिनेश जैन यांनी सर्व व्यापारी बांधवांना या बंदमध्ये सहकार्य करण्याचे आवाहन केले आहे. कोणताही अनुचित प्रकार घडू नये, कायदा व सुव्यवस्थेचे पालन व्हावे यासाठी प्रशासनाशी समन्वय ठेवण्यात येत असल्याचेही त्यांनी स्पष्ट केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
