बिबट्याच्या रूपात काळ समोर आला होता; पण ६५ वर्षीय वृद्धाने प्रसंगावधान राखले आणि आपल्या ९५ वर्षांच्या वडिलांसह घरातील सर्वांचे प्राण वाचवले. काळजाचा थरकाप उडवणारा हा प्रसंग प्रत्यक्षात घडला आहे संगमेश्वर तालुक्यातील किरबेट ओझरवाडीत. अशोक गंगाराम रवंदे यांनी घरात घुसलेल्या बिबट्याच्या तावडीतून अख्खे कुटुंब वाचवले आहे.
किरबेट ओझरवाडीत राहणारे अशोक रवंदे बुधवारी पहाटे साडेचार वाजेच्या सुमारास घराबाहेर गेले. नेमका त्याचवेळी कुत्र्याच्या शिकारीसाठी बिबट्या घरात शिरला. रवंदे पुन्हा घरात आले आणि त्यांनी दरवाजा बंद केला. मात्र, घरातील कुत्र्याचा आवाज आल्याने त्यांनी घरातील दिवे सुरू केले. त्यावेळी बिबट्याने कुत्र्यावर झडप घातली असल्याचे त्यांच्या निदर्शनास आले.
मात्र, घराचे सर्व दरवाजे बंद असल्याने बिबट्याला घरातून बाहेर पडता येत नव्हते. त्यावेळी घरात अशोक रवंदे यांचे ९५ वर्षांचे वडील गंगाराम सीताराम रवंदे, सुंदराबाई रामचंद्र रवंदे (वय ६०), अशोक यांची पत्नी शेवंती रवंदे (वय ५५), अशी माणसे होती. यावेळी काय करायचे ते कोणालाच सूचत नव्हते.
हा सारा प्रकार अर्धा तास सुरू होता. बिबट्याने कुत्र्याला पकडले होते. अशोक रवंदे यांनी धाडस करून दरवाजापर्यंत गेले. त्यांनी दरवाजा उघडला आणि ते पाहून बिबट्याने तेथून धूम ठोकली. अशोक यांच्या धाडसाचे सर्वत्र कौतुक होत आहे. याबाबतची माहिती पोलिस पाटील प्रदीप अडबल यांना मिळताच त्यांनी घटनास्थळी जाऊन रवंदे यांच्या कुटुंबाची विचारपूस केली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
