दापोली : महिलेला 5 जणांकडून मारहाण
दापोली तालुक्यातील पाजपंढरी येथे घरासमोरील गल्लीवर लाकडी खांब उभा करत असताना मनाई केल्याच्या रागातून महिलेला मारहाण करण्यात आली.
ही घटना शनिवारी ( ३ जून २०२३ रोजी घडली असून या मारहाण संदर्भात पाच जणांवर गुन्हा दाखल करण्यात आला आहे.पोलिसांनी दिलेल्या माहितीनुसार, घरासमोरील गल्लीवर गजानन चोगले हा खांब रोवत होता.
त्यावेळी फिर्यादीच्या आईने ही जागा कोणाची हे ठरलेले नसून, जाण्यायेण्यात अडथळा येतो, असे सांगितले.
या रागातून गजानन याने शिवीगाळ करण्यास सुरुवात केली. त्यानंतर नातेवाईकांनी येऊन फिर्यादीच्या आईला लाथा बुक्क्यांनी मारहाण केली. फिर्यादीची आई जीव वाचवून घरात पळाली असता पाच जणांनी घरात घुसून मारहाण केली.
त्याचवेळी भाग्यश्री चोगले हिने दगड हातावर मारला. त्यामध्ये त्यांना दुखापत झाली. ही घटना शनिवारी (३ जून २०२३ रोजी) दुपारी १२:३० वाजताच्या सुमारास पाजपंढरी ( ता. दापोली) येथे घडली.
या मारहाण प्रकरणी पाच जणांवर गुन्हा दाखल करण्यात आला आहे. गजानन हरिश्चंद्र चोगले, विवेक गजानन चोगले, भाग्यश्री विवेक चोगले, वनिता गजानन चोगले, कल्पना वामन चोगले अशी गुन्हा दाखल करण्यात आलेल्या पाच जणांची नावे आहेत. या प्रकरणी अधिक तपास दापोली पोलिसांचा सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
