खेडमधून एक धक्कादायक माहिती समोर आली आहे. एका शाळेतील चार विद्यार्थी बेशुद्धावस्थेत आढळून आले. या घटनेने खेडमध्ये खळबळ उडाली आहे.
मिळालेल्या माहितीनुसार, खेडमधील देवघर येथील न्यू इंग्लिश स्कूलमध्ये ही घटना घडली आहे. शाळेतील विद्यार्थी अचानक बेशुद्ध पडल्याने शिक्षकही चक्रावून गेले आहेत. त्यामुळे शाळेत एकच खळबळ उडाली. या बेशुद्ध मुलांमध्ये तीन मुली एक मुलाचा समावेश आहे.
खेड तालुक्यातील न्यू इंग्लिश स्कूल देवघर-निवाचीवाडी या शाळेतील विद्यार्थी दुपारी साडेतीन वाजण्याच्या सुमारास अचानक बेशुद्ध असल्याचे दिसून आले. त्यामध्ये एक मुलगा आणि तीन मुलींचा समावेश आहे.
चार मुले बेशुद्ध असल्याची माहिती शिक्षकांना मिळताच चौघांनाही घेऊन शाळेच्या मुख्याध्यापकांनी खाजगी गाडीने कळंबनी उपजिल्हा रुग्णालयात दाखल केले. हे विद्यार्थी इयत्ता आठवी आणि दहावीतील असल्याचे समजते. शाळेत विद्यार्थी अचानक बेशुद्ध पडल्याची माहिती मिळताच ग्रामस्थांनी धक्का बसला.
पालक शाळेकडे तातडीने रवाना झाले. बेशुद्धावस्थेत विद्यार्थांना रूग्णालयात दाखल करण्यात आले. चक्क चार विद्यार्थी बेशुद्धावस्थेत सापडल्याने पालकही चक्रावून गेले आहेत. नेमके कारण काय असावे असा प्रश्न उपस्थित होत आहे. बेशुद्धावस्थेत असलेल्या ३ मुलींवर कळंबणी उपजिल्हा रुग्णालयात उपचार सुरू आहेत.
सिद्धी गणेश पवार (वय १३, जैतापूर. ता. खेड), मोहिनी रवींद्र पवार (वय १३ आठवी, मांडवे ता. खेड), निधी गजानन जाधव (वय १५, रसाळगाड ता खेड) आणि युवराज सुधीर यादव देवघर अशी बेशुद्ध पडलेल्या मुलांची नाव आहे. या चौघांवर डॉक्टरांच्या निगराणीखाली उपचार सुरू आहेत. मात्र, बेशुद्ध पडण्याचे कारण अद्याप समजू शकले नाही.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
