संगमेश्वर तालुक्यातील मानसकोंड येथील २६ वर्षीय विवाहितेचा विंचू दंशाने मृत्यू झाल्याची घटना रविवार ३ ऑक्टोबर रोजी पहाटे ६ वाजण्याच्या सुमारास घडली.
मंजिरी वैभव फेपडे (२६, मानसकोंड, फेपडेवाडी) असे मृत्यू झालेल्या महिलेचे नाव आहे. तिच्या जाण्याने ऐन भाऊबीजेलाच मानसकोंड गावावर शोककळा पसरली आहे.
तिला दीड वर्षाची मुलगी आहे. मंजिरी ही घराच्या मागच्या पडवीच्या पायरीवर बसलेली असताना शुकवारी सायंकाळी ५ वाजता तिला विंचू दंश झाला.
तिला रत्नागिरी जिल्हा रुग्णालयात उपचारासाठी दाखल करण्यात आले. शनिवारी सायंकाळच्या सुमारास तिला अचानक श्वसनाचा त्रास जाणवू लागला.
डॉक्टरानी तिला कोल्हापूर येथे हलवण्यास सांगितले. कोल्हापूर येथे उपचारासाठी नेताना रविवारी पहाटे ६ वाजण्याच्या सुमारास तिचा मृत्यू झाला.
तिच्या या मृत्यूची माहिती मिळताच गावावर शोककळा पसरली. मंजिरी हीचे मानसकोंड येथेच माहेर, सासर आहे. तिला दीड वर्षाची मुलगी असल्याने गावात हळहळ व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
