संगमेश्वर गणेशोत्सवात विघ्नाची वार्ता समोर आली आहे. संगमेश्वर तालुक्यातील शेंबवणे गोमानेवाडी येथे सिलेंडर गळतीने भाजलेल्या एका प्रौढाचा उपचारादरम्यान मृत्यू झाल्याची घटना शनिवार 7 सप्टेंबर रोजी सकाळच्या सुमारास घडली.
बाळू सोमा बांबाडे (55, गोमानेवाडी, संगमेश्वर) असे मृत्यू झालेल्या प्रौढाचे नाव आहे. या घटनेने ऐन गणेशोत्सवात बांबाडे कुटुंबावर दुःखाचा डोंगर कोसळला आहे. सविसर वृत्त असे की, शेंबवणे गोमानेवाडी येथील बाळू बांबाडे हे सकाळी 8.30 वाजता घरात गणेश मूर्तीची पूजा करत होते.
यावेळी त्यांच्या पत्नीने सारवण करताना त्यांना हाक मारली. गॅस बाजूला करण्यास सांगितले. यावेळी गॅस लिकेज झाला. त्यावेळी सिलेंडरचा भडका उडून गंभीर जखमी झाले. त्यात ते 90 टक्के भाजले.
घटनेची माहिती आजूबाजूला कळताच त्यांना ग्रामस्थांनी लगेच संगमेश्वर ग्रामीण रुग्णालयात दाखल केले. मात्र त्यांची स्थिती गंभीर असल्याने अधिक उपचारासाठी जिल्हा शासकीय रुग्णालयात दाखल करण्यात आले.
तिथे उपचार सुरू असताना सकाळी 11 वाजण्याच्या सुमारास त्यांचा मृत्यू झाला. या घटनेने ऐन गणेशोत्सवात दुर्घटना घडल्याने परिसरात दुःख व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
