शहरातील निवखोल येथे महावितरणच्या पोलवरील तुटलेली वायर जोडत असताना विजेचा जोराचा शॉक लागून तरुण कंत्राटी कामगाराचा जागीच मृत्यू झाला.
ही घटना सोमवार 7 ऑक्टोबर रोजी दुपारी 1 वा. सुमारास घडली.कुंदन दिनेश शिंदे (21, रा. फणसवळे भावेवाडी, रत्नागिरी) असे शॉक लागून मृत्यू झालेल्या तरुण कामगाराचे नाव आहे.
सोमवारी दुपारी तो निवखोल येथील महावितरणच्या पोलवरील तुटलेली वायर जोडत होता. पोलवर चढण्यापूर्वी तेथील विद्युत पुरवठा बंद करण्यात आला होता.
परंतू पोलवरील तुटलेली वायर जोडत असताना तेथील जनरेटचा करंट बॅक आल्याने त्याचा जोरदार धक्का कुंदनला बसून त्याचा जागीच मृत्यू झाला.
ही बाब त्याच्या इतर सहकार्‍यांच्या निदर्शनास येताच त्यांनी त्याला तातडीने जिल्हा शासकिय रुग्णालयात दाखल केले. तेथील वैद्यकिय अधिकार्‍यांनी कुंदनला तपासून मृत घोषित केले.
मदतनीस म्हणून कामाला असणार्‍या कंत्राटी कामगारांची संख्या जवळपास 300च्या आसपास आहे. या कामगारांना ठेकेदाराकडून कोणतेही सेफ्टी गार्ड पुरवण्यात येत नाहीत.
तसेच महावितरणच्या पोलवर प्रशिक्षित लाईनमनने दुरुस्तीची कामे करण्याचा नियम असताना मदतीस कामगारांना तुटपुंज्या पगारावर पोलवर चढवून त्यांच्याकडून कामे करवून घेण्यात येत असल्याची चर्चा शासकिय रुग्णालयात या मदतनीस कामगारांकडून सुरु होती.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
