रत्नागिरी तालुक्यातील जाकादेवी खालगाव येथील रहिवाशी असलेले महेश विष्णू पानवलकर यांची १२ वर्षीय मुलगी (इ. ७ वी) हिला मंगळवार दि. २९ ऑक्टोबर रोजी सायंकाळी विंचू दंश झाल्याने तिच्यावरती रत्नागिरी येथील दवाखान्यात उपचार होत असताना गुरुवार दिनांक ३१ रोजी सकाळी पहाटेच्या दरम्यान तिचा मृत्यू झाला.
सृष्टी महेश पानवलकर ही मुलगी जाकादेवी विद्यालयात इयत्ता सातवीत शिकत होती. ती अतिशय हुशार आणि जिज्ञासू विद्यार्थी म्हणून परिचित होती. शालेय विविध उपक्रमात तिचा सक्रिय सहभाग असे.
पानवलकर कुटुंब जाकादेवी खालगाव येथे अनेक वर्ष राहत असून सृष्टी महेश पानवलकर हिचे वडील महेश विष्णू पानवलकर हे निवळी येथे लोहार काम करतात. दि.२९ ऑक्टोबर रोजी सायंकाळी घरात तिला विंचू दंश झाल्याने तिला उपचारासाठी जाकादेवी प्राथमिक आरोग्य केंद्र येथे दाखल करण्यात आले. तेथून तिला रत्नागिरी सिव्हिल हॉस्पिटलमध्ये दाखल करण्यात आले.
तिच्या तब्येतीत सुधारणा होत नसल्याने सृष्टी हिला तिच्या पालकांनी २ रत्नागिरीतील एका खाजगी दवाखान्यात दाखल केले. मात्र तिच्या प्रकृतीत सुधारणा झाली नाही.
गुरुवार दि. ३१ ऑक्टोबर रोजी तिचे दुःखद निधन झाले. सुस्वभावी आणि होतकरू मुलगी सृष्टी महेश पानवलकर हिच्या जाण्याने जाकादेवी खालगाव पंचक्रोशीसह मूळ गाव दांडेआडोम, तसेच शैक्षणिक संस्थेतर्फे तीव्र दुःख होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
