रत्नागिरी शहरातील मारुती मंदिर येथे मध्यवर्ती ठिकाणी असलेल्या शिवपुतळ्याजवळील शिवसृष्टीत उभारलेल्या मावळ्यांची विटंबना केल्याची घटना सोमवारी सकाळी निदर्शनाला आली आहे.
याप्रकरणी शहर पोलिसांनी संदेश गावडे (वय २४ वर्षे) या रत्नागिरी शहरातील तरुणाला ताब्यात घेतले आहे.रविवारी मध्यरात्री अडीच वाजण्याच्या सुमारास मारुती मंदिर येथील छत्रपती शिवाजी महाराज यांच्या अश्वारूढ पुतळ्याजवळ असलेल्या शिवसृष्टीतील काही मावळ्यांची विटंबना करण्यात आली.
शहर पोलिस स्थानकाच्या हद्दीत पेट्रोलिंग करताना पोलिसांच्या हे निदर्शनात येताच त्यांनी तिथे असलेल्या संदेश गावडे याला हटकले. मात्र, तो मारूती मंदिर येथून एस. टी. स्टॅण्डच्या दिशेने पळाला. अखेर पोलिसांनी त्याला आठवडा बाजार येथे ताब्यात घेतले.
त्याच्याविरूद्ध रत्नागिरी पोलिस स्थानकात गुन्हा दाखल करण्यात आला आहे. प्राथमिक चाैकशीत गावडे हा रत्नागिरीतील रहिवासी असल्याचे पुढे आले असून, त्याची अधिक चाैकशी सुरू आहे. पुढील कार्यवाहीसाठी गावडे याला न्यायालयात हजर करण्यात आले आहे.
दरम्यान, हे वृत्त सर्वत्र पसरताच या घटनेचा सर्व स्तरातून तीव्र निषेध सुरू झाला. रत्नागिरी शिंदेसेनेचे जिल्हाप्रमुख राहुल पंडित, शहरप्रमुख बिपीन बंदरकर, ज्येष्ठ नेते राजन शेट्ये, विजय खेडेकर, अभिजित दुडे, प्रशांत सुर्वे, दीपक पवार यांनी शहर पोलिस स्थानकात निवेदन दिले आहे. त्यानुसार सखोल चाैकशी करून दोषींवर कारवाई करण्याची मागणी केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
