लातूर येथे ५ ते ७ डिसेंबर २०२५ दरम्यान होणाऱ्या राज्यस्तरीय तायक्वांदो स्पर्धेसाठी रत्नागिरीच्या ईगल तायक्वांदो अकॅडमीच्या प्रशिक्षिका संकेता संदेश सावंत यांची पंच म्हणून निवड करण्यात आली आहे. रत्नागिरी जिल्ह्यासाठी ही अत्यंत अभिमानास्पद बाब आहे.
तायक्वांदो असोसिएशन ऑफ महाराष्ट्रच्या मान्यतेने आणि तायक्वांदो असोसिएशन ऑफ लातूर यांच्या वतीने ३५ वी महाराष्ट्र स्टेट सिनिअर क्योरोगी तायक्वांदो चॅम्पियनशिप आणि ११ वी महाराष्ट्र स्टेट सिनिअर पुमसे तायक्वांदो चॅम्पियनशिप २०२५-२६ या स्पर्धा लातूर येथील जिल्हा क्रीडा संकुल, औसा रोड येथे आयोजित करण्यात आल्या आहेत.
या महत्त्वाच्या स्पर्धेसाठी सावंत यांची पंच म्हणून निवड झाली आहे.
प्रशिक्षिका म्हणूनही यशस्वी
संकेता सावंत या अभ्युदय नगर येथील नगर परिषद बहुउद्देशीय सभागृहात चालणाऱ्या ईगल तायक्वांदो अकॅडमीमध्ये मुलांना तायक्वांदोचे प्रशिक्षण देत आहेत. त्यांच्या मार्गदर्शनाखाली अनेक विद्यार्थी या खेळात प्राविण्य मिळवत असून विविध स्पर्धांमध्ये सुयश संपादन करत आहेत.
राज्य स्पर्धेसाठी पंच म्हणून निवड झाल्याबद्दल संकेता सावंत यांचे सर्व स्तरांतून अभिनंदन होत आहे.
त्यांना राज्य संघटनेचे कोषाध्यक्ष आणि जिल्हा संघटनेचे अध्यक्ष व्यंकटेश्वरराव कररा, रत्नागिरी तायक्वांदो स्पोर्ट्स असोसिएशनचे जिल्हा उपाध्यक्ष विश्वदास लोखंडे, सचिव लक्ष्मण कररा, कोषाध्यक्ष शशांक घडशी, तसेच ईगल तायक्वांदो अकॅडमीचा पालक वर्ग यांनी शुभेच्छा देऊन त्यांचे अभिनंदन केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
