मुंबई-गोवा महामार्गावर हातखांब येथील शाळेजवळ सोमवारी रात्री सुमारे ११:१५ वाजता एक गॅस टँकर पुलावरून खाली कोसळल्याची गंभीर घटना घडली. या अपघातामुळे दोन्ही बाजूंची वाहतूक पूर्णपणे ठप्प झाली असून नागरिकांमध्ये चिंतेचे वातावरण आहे.
प्राथमिक माहितीनुसार, अपघातग्रस्त टँकरमधून गॅसची गळती होत असल्याची शक्यता व्यक्त केली जात आहे. त्यामुळे स्फोटाचा संभाव्य धोका लक्षात घेता प्रशासन सतर्क झाले असून तातडीने आवश्यक त्या उपाययोजना राबविल्या जात आहेत.
घटनास्थळी पोलिसांसह आपत्कालीन बचाव पथके दाखल झाली असून परिसराला संरक्षित करण्यात आले आहे. खबरदारीचा उपाय म्हणून प्रशासनाने मुंबई-गोवा महामार्गावरील दोन्ही मार्गांवरील वाहतूक तत्काळ थांबवली आहे. वाहने इतर पर्यायी मार्गाने वळवण्याचे काम सुरू आहे.
स्थानिक प्रशासनाने नागरिकांना आवाहन केले आहे की, त्यांनी अपघातस्थळाच्या परिसरात जाणे टाळावे. तसेच वाहनचालकांनी शांतता राखत प्रशासनास सहकार्य करण्याचे आवाहन करण्यात आले आहे.
अद्याप कोणतीही जीवितहानी झाल्याची माहिती नाही, मात्र गळती रोखण्याचे आणि टँकर सुरक्षित करण्याचे प्रयत्न युद्धपातळीवर सुरू आहेत. पुढील तपास व कार्यवाहीसाठी अधिकाऱ्यांचे पथक घटनास्थळी दाखल झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
