झाडे तोडण्याच्या कामादरम्यान झाडावरून पडून एका ३१ वर्षीय तरुणाचा दुर्दैवी मृत्यू झाल्याची घटना गुरुवारी (दि. १८) दुपारी रत्नागिरी तालुक्यातील चाफे येथे घडली.
अजित संतोष भोवड (वय ३१, रा. डुगवे–कुरतडे, ता. रत्नागिरी) असे मृत तरुणाचे नाव आहे. अजित हे झाडे तोडण्याच्या मजुरीवर काम करत होते. गुरुवारी दुपारी साडेतीनच्या सुमारास चाफे येथे झाड तोडत असताना ते अचानक झाडावरून खाली पडले. या अपघातात त्यांच्या डोक्याला गंभीर दुखापत झाली.
जखमी अवस्थेत त्यांना तातडीने मालगुंड येथील प्राथमिक आरोग्य केंद्रात दाखल करण्यात आले. मात्र प्रकृती गंभीर असल्याने पुढील उपचारासाठी त्यांना जिल्हा शासकीय रुग्णालयात हलविण्यात आले. तेथे उपचार सुरू असताना गुरुवारी रात्री पावणे नऊच्या सुमारास त्यांचा मृत्यू झाला.
या प्रकरणी जयगड पोलिस ठाण्यात आकस्मिक मृत्यूची नोंद करण्यात आली असून पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
