रत्नागिरी जिल्ह्यातील हातखंबा येथे वीज खांबावर काम करीत असलेला वायरमन रिव्हर्स करंट आल्यामुळे भाजल्याची घटना तालुक्यातील हातखंबा येथे घडली. सहकारी कर्मचारी व ग्रामस्थांनी तात्काळ या कर्मचाऱ्याला खांबावरुन खाली उतरवून खासगी रुग्णालयात दाखल केले.
हातखंबा हायस्कूलनजीक वीज खांबावरती काम सुरु असताना हा प्रकार घडला. यावेळी वीज वाहिनीवरील विद्युतप्रवाह बंद करण्यात आलेला हातो. त्यानंतर हा कर्मचारी वीज खांबावरती दुरुस्तीचे काम करीत होता. अचानक रिव्हर्स करंट आल्याने तो चिकटला. त्याचवेळी सोबतीला असणाऱ्या कर्मचाऱ्याने खांबावरती पुन्हा शटडाऊन करीत वीज प्रवाह बंद असल्याची खात्री केली.
त्यानंतर महावितरण कर्मचाऱ्यासह ग्रामस्थांनी शिड्या आणून या वायरमनला खाली उतरवले. त्याच्या दोन्ही पायांना व हाताला जखमा झाल्या होत्या. नशीब बलवत्तर म्हणून या कर्मचाऱ्याचा जीव वाचला.
त्याला तातडीने खासगी रुग्णालयात दाखल करण्यात आले. हातखंबा येथील सामाजिक कार्यकर्ते निरंजन जठार व त्यांच्या सहकाऱ्यांनी वेळीच धावपळ करण्यात पुढाकार घेतला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
