आमच्या हॉटेलजवळ मोठ्यांनी आरडाओरडा करत तमाशा कशाला करता आमच्या कामगारांना शिवीगाळ का करताय? असे विचारले म्हणून हॉकी स्टिकने जमावाकडून बेदम मारहाण झाल्याचा प्रकार रत्नागिरी येथे घडल्याने मोठी खळबळ उडाली आहे.
पर्यटनाचे मोठे केंद्र असलेल्या रत्नागिरी येथे असा धक्कादायक प्रकार घडला आहे. रत्नागिरी शहर परिसरात असलेल्या गारवा हॉटेलमध्ये आलेल्या लोकांकडूनच हा धक्कादायक प्रकार घडल्याची माहिती रत्नागिरी पोलिसांनी दिली आहे. याप्रकरणी दोन जणांविरुद्ध गुन्हा दाखल असून अन्य सहा अज्ञात व्यक्तींच्या विरोधात गुन्हा दाखल करण्यात आला आहे.
१५ ऑगस्टच्या आदल्या दिवशी सोमवारी दिनांक १४ ऑगस्ट रोजी १.३० वाजताच्या सुमारास फिर्यादी यांचे हॉटेल गारवा बार ॲण्ड रेस्टॉरंट साळवी स्टॉप, रत्नागिरी येथे आहे. याच ठिकाणी आलेले या प्रकरणातील संशयित आरोपी क्र १ ते ३ आणि त्यांचे सोबत असलेले अन्य ५ इसम यांना हॉटेल मालकांनी तुम्ही आमच्या हॉटेलजवळ मोठमोठ्याने आरडाओरड करून तमाशा कशाला करताय, तसेच आमचे हॉटेलमधील कामगारांना शिवीगाळ कशाला करताय, असे विचारले.
अशी विचारणा केल्यावर वादाची ठिणगी पडली. याचा राग मनात धरून हॉटेलमध्ये आलेल्या या इसमांनी थेट सिनेस्टाईल राडा घालण्यास सुरुवात केली.
संगनमताने गैरकायदा जमाव करुन हॉकी स्टिकने फिर्यादी यांच्या पायावर, नाकावर आणि छातीवर बेदम मारहाण करण्यात आली. यावेळी मधे आलेल्या फिर्यादी यांच्या भावाच्या दोन्ही पायावर हॉकी स्टिकने मारहाण करून शिवीगाळ केल्याचा धक्कादायक प्रकार घडला आहे.
या मारहाण प्रकरणी रत्नागिरी पोलिसांनी संशयित आरोपी शिशिर चाळके, विनय भिवंदे, सफेद रंगाचा शर्ट घातलेला इसम तसेच अन्य पाच अज्ञात संशयित व्यक्तींविरोधात भा.द.वि.का.क. १४३, १४७, १४८, १४९, ३२४, ५०४, प्रमाणे गुन्हा दाखल करण्यात आला आहे.
या प्रकरणाचा अधिक तपास रत्नागिरी शहर पोलीस ठाण्याचे पोलीस निरीक्षक शैलेश सणस यांच्या मार्गदर्शनाखाली सुरू आहे. याप्रकरणी संशयित आरोपींना नोटीस बजावण्यात आल्याची माहिती शहर पोलीस ठाण्याच्या पोलीस निरीक्षकांनी दिली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
