राजापूरमधील पाचल येथे सख्ख्या भावांच्या कौटुंबिक वादात एकानं दुसऱ्याच्या पोटात सुरीने भोसकून त्याला जीवे ठार मारण्याचा प्रयत्न केला.
ही घटना शुक्रवारी घडली आहे. राजापूर तालुक्यातील काजीर्डा राणेवाडी येथे घडली. दरम्यान या घटनेतील गंभीररित्या जखमी झालेल्या भावाला अधिक उपचारासाठी कोल्हापूरला हलविण्यात आले असल्याची माहिती पोलिसांनी दिली.
या प्रकरणी राजापूर पोलीस स्थानकामध्ये गुन्हा दाखल करण्यात आला आहे.याप्रकरणी राजापूर पोलीस स्थानकामध्ये गुन्हा दाखल करण्यात आला आहे. पोलिसांनी दिलेल्या माहितीनुसार शुक्रवारी काजीर्डा राणेवाडी येथील बाळकृष्ण आत्माराम राणे (72) आणि त्यांचा सख्खा भाऊ शांताराम आत्माराम राणे (56) यांच्यात शुक्रवारी दुपारी 3.30 वाजण्याच्या सुमारास कौटुंबिक कारणावरून वाद सुरू झाला.
हा वाद इतका शिगेला पोहोचला की बाळकृष्ण राणे यांनी रागाच्या भरात आपल्या सख्ख्या भावाला सुरीने भोसकून जीवे ठार मारण्याचा प्रयत्न केला. यामध्ये शांताराम राणे हे गंभीर जखमी झाले असून त्यांच्यावर रुग्णालयात उपचार सुरू करण्यात आला आहे.
याप्रकरणी काजीर्डा गावचे पोलीस पाटील रामचंद्र चंद्रकांत अर्डे (वय 30) यांनी दिलेल्या फिर्यादीवरून बाळकृष्ण राणे यांच्यावर भारतीय न्याय संहिता अधिनियम 2023 चे कलम 109 प्रमाणे राजापूर पोलीस ठाण्यात गुन्हा दाखल करण्यात आला आहे.
याबाबत अधिक तपास राजापूर पोलीस उपनिरीक्षक सुधीर उबाळे आणि त्यांची टीम करीत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
