चिपळूण तालुक्यातील तनाळी रामवाडी येथे भक्ष्याच्या मागावर असताना एका बिबट्या मादीचा तोल जाऊन ती सुमारे 40 फूट खोल विहिरीत पडल्याची घटना मंगळवारी सकाळी समोर आली. ग्रामस्थांनी दिलेल्या माहितीवरून वनविभागाने तातडीने बचाव मोहीम राबवून जवळपास तासभराच्या प्रयत्नांनंतर तिची सुटका केली.
विहिरीत सुमारे 10 फूट पाणी असून बिबट्या सतत झुंज देत असल्याचे पथकाला आढळले. दोरीच्या सहाय्याने पिंजरा विहिरीत खाली सोडून अखेर तिला सुरक्षितपणे पकडण्यात यश आलं. प्राथमिक तपासणीत ती 1.5 ते 2 वर्षांची मादी असून कोणताही गंभीर अपघात झालेला नसल्याचे पशुवैद्यकीय अधिकाऱ्यांनी स्पष्ट केले.
त्यानंतर वनविभागाने तिला जंगलात परत सोडले.या मोहिमेत वनविभागाचे अधिकारी, कर्मचारी आणि स्थानिक ग्रामस्थांनी महत्त्वाची भूमिका बजावली.वनविभागाने नागरिकांना आवाहन केले की, कोणताही वन्यप्राणी संकटात दिसल्यास त्वरित 1926 या टोल-फ्री क्रमांकावर माहिती द्यावी.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
