मंडणगड तालुक्यातील पंदेरी वरचा मोहल्ला
येथे कौटुंबिक वादातून एका व्यक्तीने वडील, मुलगा आणि पत्नीला मारहाण केल्याची घटना समोर आली आहे. दि. ७ जुलै २०२५ रोजी दुपारी ३:०० वाजता ही घटना घडली असून, या प्रकरणी नदिम अब्दुल शकुर तहविलदार या आरोपीविरोधात मंडणगड पोलिस ठाण्यात गुन्हा दाखल करण्यात आला आहे.
Kokan News Update Whatsap group Join : https://chat.whatsapp.com/DJBXrCrkrKv4tQLrS689uf?mode=ac_c
याबाबत फिर्यादी महम्मद हनीफअलीमिया तहविलदार (वय ७३, रा. पंदेरी मस्जिद मोहल्ला) यांनी पोलिसांत तक्रार दिली आहे. तक्रारीनुसार, फिर्यादीच्या घराचे काम सुरू असताना, आरोपी नदिम तहविलदार हा खाली येऊन विनाकारण शिवीगाळ करू लागला.
त्याने दमदाटी करत हातातील लाकडी दांड्याने महम्मद हनीफअलीमिया तहविलदार आणि त्यांचा मुलगा मुस्तफा महम्मद तहविलदार यांना मारहाण केली. एवढेच नाही तर, त्याने फिर्यादीची पत्नी नुरजहा हिलाही लाथेने मारहाण केली. या मारहाणीत महम्मद हनीफअलीमिया तहविलदार आणि त्यांचा मुलगा मुस्तफा तहविलदार जखमी झाले आहेत. दि. ७ जुलै २०२५ रोजी सायंकाळी ७:३४ वाजता या घटनेची नोंद गु.र.नं. ३०/२०२५ भारतीय न्यायसंहिता अधिनियम २०२३ चे कलम ११८(१), ११५(२), ३५२, ३५१(२) प्रमाणे करण्यात आली आहे.
मंडणगड पोलीस या प्रकरणाचा अधिक तपास करत आहेत. कौटुंबिक कलहातून झालेल्या या मारहाणीमुळे परिसरात चिंता व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
