फवारणीचे औषध प्राशन करून ६६ वर्षीय सेवानिवृत्त एसटी कर्मचाऱ्याने आत्महत्या केल्याची घटना तालुक्यातील विवली पागारवाडी येथे मंगळवारी रात्री १० ते आज बुधवारी सकाळी १० या कालावधीत घडली आहे.
याबाबत पोलिसांनी दिलेल्या माहितीनुसार प्रकाश आप्पासाहेब खानविलकर (वय ६६) असे आत्महत्या केलेल्या व्यक्तीचे नाव आहे. प्रकाश खानविलकर लांजा एसटी आगारातून वाहतूक नियंत्रक सेवानिवृत्त झाले होते. प्रकाश खानविलकर त्यांच्या पत्नीचे वर्षभरापूर्वी निधन झाले होते.त्यांचा मुलगा हा लांजा एसटी आगारात मेकॅनिकल म्हणून काम करतो.
तो आपल्या पत्नी मुलांसह लांजा येथे राहतो. तर प्रकाश खानविलकर हे दिवसभर आपल्या घरी विवली येथे राहून रात्री ते पुन्हा लांजा येथे मुलाकडे रहायला येत .मात्र काल मंगळवारी ते नेहमीप्रमाणे रात्री घरी आले नव्हते. मात्र पाऊस असल्याने कदाचित ते घरी आले नसावेत असा अंदाज मुलगा प्रतीक याने व्यक्त केला होता.
मंगळवारी रात्री वडील प्रकाश खानविलकर हे घरी का आले नाहीत हे पाहण्यासाठी मुलगा प्रतिक हा आज बुधवारी सकाळी १० वाजता विवली पागारवाडी येथील घरी गेला असता प्रकाश खानविलकर हे मृतावस्थेत आढळून आले. त्यांनी फवारणीचे औषध प्राशन केल्याने स्पष्ट आले.
त्यांना दुपारी लांजा ग्रामीण रुग्णालयात आणण्यात आले. या घटनेची लांजा पोलीस ठाण्यात आकस्मिक मृत्यू म्हणून नोंद करण्यात आली असून अधिक तपास सहाय्यक पोलीस उपनिरीक्षक भालचंद्र रेवणे हे करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
