लांजा पंचायत समितीच्या सभापतीपदी मानसी आंबेकर तर उपसभापतीपदी आदेश आंबोळकर यांची निवड निश्चित झाली असून सोमवारी (दि. ९ मार्च) अधिकृत घोषणा होऊन दोघेही आपल्या पदाचा पदभार स्वीकारणार आहेत.
नुकत्याच पार पडलेल्या लांजा तालुक्यातील आठ पंचायत समिती गण व चार जिल्हा परिषद गटांच्या निवडणुकीत आमदार किरण सामंत यांच्या नेतृत्वाखालील शिवसेनेने सर्वच्या सर्व १२ जागांवर दणदणीत विजय मिळवला होता. या विजयामुळे पंचायत समितीत शिवसेनेचे एकहाती वर्चस्व निर्माण झाले आहे.
यामुळे सभापतीपदी नेमकी कोणाची वर्णी लागणार, याकडे लांजा तालुक्याचे लक्ष लागून राहिले होते. दरम्यान, सभापतीपदी मानसी आंबेकर यांची निवड होणार असल्याचे वृत्त यापूर्वीच प्रसिद्ध झाले होते. अखेर त्या वृत्तावर शिक्कामोर्तब होत मानसी आंबेकर यांची सभापतीपदी तर आदेश आंबोळकर यांची उपसभापतीपदी निवड निश्चित झाली आहे.
सोमवारी सकाळी अधिकृत घोषणा होऊन दुपारी तीन वाजता पदग्रहण सोहळा पार पडणार आहे. सभापती व उपसभापती ही दोन्ही पदे सव्वा वर्षांच्या कालावधीसाठी असून सुरुवातीच्या पहिल्या सव्वा वर्षासाठी मानसी आंबेकर आणि आदेश आंबोळकर यांना संधी देण्यात आली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
