पतीशी सातत्याने होत असलेल्या वादाला कंटाळून पत्नीने माहेरच्यांना हाताशी धरुन पतीला मारहाण केली. ही घटना सोमवार, १८ सप्टेंबर रोजी रात्रीच्या सुमारास घडली.
🔴 तुम्हाला कोकणातल्या बातम्या
पाहायच्या असतील तर कोकण कट्टा Live च्या whatsapp ग्रुपमध्ये सहभागी व्हा
https://chat.whatsapp.com/DVfvKdr19CxKSPzdD9Ltsy
याबाबत शहर पोलिस ठाण्यात पत्नीसह चार जणांविरुद्ध गुन्हा दाखल करण्यात आला आहे. पत्नी संजना शिर्सेकर, तिची मावशी सुनंदा सुर्वे, तिचा पती रमाकांत सुर्वे व स्वप्निल रमाकांत सुर्वे (रा. शांतीनगर, नाचणे रत्नागिरी) अशी संशयितांची नावे आहेत.
त्यांच्याविरोधात श्रीकृष्ण देवीदास शिर्सेकर (४२, रा. नाचणे शांतीनगर, रत्नागिरी) यांनी शहर पोलिस ठाण्यात तक्रार दिली. त्यानुसार श्रीकृष्ण व त्यांची पत्नी संजना यांच्यात काही दिवसांपासून वाद सुरु होता.
या वादातून पत्नी संजना ही मावशी सुनंदा हिच्याकडे राहत होती. १७ सप्टेंबरला पती-पत्नीचे कडाक्याचे भांडण झाले. याचा राग येऊन संजना मावशीकडे राहायला गेली. मुलीला ताप येत असल्याचे पती श्रीकृष्ण यांनी पत्नी संजनाला कळविले होते.
त्यानुसार पत्नी संजना ही मावशी सुनंदा तिचा पती रमाकांत यांना घेऊन श्रीकृष्ण यांच्या घरी आली व मुलीला घेऊन जाऊ लागली.
त्यावेळी पुन्हा पती-पत्नीमध्ये भांडण झाले. यावेळी पत्नी संजना आणि मावशी सुनंदा यांनी श्रीकृष्ण यांची मान धरली व हाताच्या थापटाने आणि लाथाबुक्यांनी मारहाण केली.
तसेच संजना हिने मावस भाऊ स्वप्निल सुर्वे याला फोन करून बोलावून घेतले व चौघांनी श्रीकृष्ण शिर्सेकर यांना बेदम मारहाण केली. तक्रारीवरून पोलिसांनी संशयिताविरुद्ध गुन्हा दाखल केला आहे. अधिक तपास शहर पोलिस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
