‘तुमच्या घरात गुप्तधन आहे ते काढून देतो’, अशी बतावणी करत भरणे गणेशनगरमधील एका कुटुंबातील व्यक्तींची तब्बल ४० लाख ९० हजारांची फसवणूक केल्याप्रकरणी एका भोंदूबाबासह (स्वामी) अन्य दोघांवर येथील पोलिस ठाण्यात गुन्हा दाखल झाला आहे.
हा प्रकार १ मार्च २०२२ ते १७ ऑगस्ट २०२३ या कालावधीत घडला. प्रसाद हरिभाऊ जाधव (स्वामी) (वय ४७, रा. गिरेवाडी, ता. पाटण, जि. सातारा), विवेक यशवंत कदम (वय ४८, रा. करंजवडे, ता. पाटण, जि. सातारा), ओंकार विकास कदम (वय २३, करंजवडे, ता. पाटण, जि. सातारा) अशी संशयितांची नावे आहेत.
🔴 तुम्हाला कोकणातल्या बातम्या
पाहायच्या असतील तर कोकण कट्टा Live च्या whatsapp ग्रुपमध्ये सहभागी व्हा
https://chat.whatsapp.com/DVfvKdr19CxKSPzdD9Ltsy
YouTube : https://youtube.com/@kokankattalive3128?si=UdAkXVJPt9X47lwE
👉🏻 आपल्याला जाहिरात आणि बातम्या द्यायच्या असतील तर संपर्क करा 9960151909
याची तक्रार विठाबाई आण्णाप्पा पवार (वय ४८) रा. भरणेनाका, गणेशनगर) यांनी दिली. या प्रकरणी मिळलेल्या माहिती अशी, गुप्तधन काढून देतो, असे खोटे सांगून फिर्यादी यांच्या घरात मंत्रतंत्र वाचून पूजापाठ, होमहवन केले.
त्याचे नातेवाईकांकडून प्रसाद यांनी पूजापाठ करण्यासाठी ४० लाख ६५ हजार रुपये आणि फिर्यादीचा मुलगा रोहित यांच्या ग्रहशांतीसाठी २५ हजार रुपये, असे एकूण ४० लाख ९० हजार रुपये घेतले.
संशयित आरोपीच्या सोबत आलेल्या विवेक कदम व ओंकार विकास कदम (दोन्ही रा. करंजवडे, ता. पाटण, जि. सातारा) यांनी संगनमताने फसवणूक केली.
या प्रकरणी येथील पोलिसात नरबळी आणि इतर अमानुष, अनिष्ट व अघोरी प्रथा व जादुटोणा यांना प्रतिबंध घालण्याबाबत व त्याचे समूळ उच्चाटन करण्याबाबत अधिनियम २०१३ चे कलम ३ (१), २ नुसार गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
