स्थानिक गुन्हे अन्वेषण शाखेचे पथक खेड परिसरात लोकसभा निवडणुकीच्या पार्श्वभूमीवर गुन्हे प्रतिबंध पेट्रोलींग करत असताना त्यांना मिळालेल्या गोपनीय माहितीच्या आधारे बोरज शिवफाटा, शेवरवाडी, खेड या ठिकाणी छापा टाकून कारवाई करत विनापरवाना वापरल्या जाणाऱ्या दोन सिंगल बैरल काडतूसच्या बंदुका आणि 12 जिवंत काडतुसे जप्त केली आहेत.
तसेच दोघांना या प्रकरणी अटक करण्यात आली आहे. लोकसभा निवडणुकीच्या पार्श्वभूमीवर जिल्ह्यातील विनापरवाना बंदुका वापरणाऱ्यांवर कारवाई करण्याच्या सूचना पोलीस अधीक्षक धनंजय कुलकर्णी, अपर पोलीस अधीक्षक जयश्री गायकवाड यांनी स्थानिक गुन्हे अन्वेषण शाखेला दिल्या होत्या.
या सूचनेप्रमाणे पोलीस निरीक्षक जनार्दन परबकर यांनी स्थानिक गुन्हे अन्वेषण शाखेचे एक पथक तयार केले होते. पोलीस कारवाईदरम्यान खेड तालुक्यातील मौजे बोरज शिवफाटा शेवरवाडी येथे अनिल भिकू गुहागरकर (वय – 53, रा. बोरज शिवफाटा शेवरवाडी) याच्याकडे 27 हजार 500 रुपये किंमतीची सिंगल बॅरल काडतूसची बंदुक आणि 8 जिवंत काडतुसे बिगर परवाना आढळून आली.
तसेच राजेश गजानन साळवी (वय – 53, रा. बोरज शिवफाटा शेवरवाडी) याच्याकडे 26 हजार 700 रुपये किंमतीची सिंगल बॅरल काडतूसची बंदुक आणि 4 जिवंत काडतुसे बिगर परवाना आढळून आली.
दोघांकडील 53 हजार 700 रुपयांचा मुद्देमाल पोलिसांनी जप्त केला असून गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
