मुंबई-गोवा महामार्गावरील आरवली घाट येथे दारुच्या नशेतील ट्रक चालकाने समोरुन येणार्या एसटीला धडक देत अपघात केला.अपघाताची ही घटना गुरुवार 1 फेब्रुवारी रोजी दुपारी 1.13 वा.घडली आहे.
राहुल सुभाष जाधव (36,रा.माणगाव,रायगड) असे गुन्हा दाखल करण्यात आलेल्या ट्रक चालकाचे नाव आहे.त्याच्या विरोधात एसटी चालक शालींद्र प्रभू सोनावणे (36,मुळ रा.बिड,सध्या रा.देवरुख) यांनी संगमेश्वर पोलिस ठाण्यात तक्रार दिली आहे.
त्यानुसार,गुरुवारी दुपारी शालींद्र सोनावणे आपल्या ताब्यातील एसटी (एमएच-14-बीटी-2057) घेउन करजुवे ते देवरुख असे प्रवासी घेउन जात होते.त्याच सुमारास संशयित राहुल जाधव हा दारुच्या नशेत आपल्या ताब्यातील ट्रक (एमएच-06-डब्ल्यू-8339) घेउन समोरुन गोवा ते मुंबई असा भरधाव वेगाने येत होता.
ही दोन्ही वाहने आरवली घाटात आली असता राहुलने ट्रक रस्त्याच्या विरुध्द बाजुला नेत समोरुन येणार्या एटीला धडक देत हा अपघात केला.त्यानंतर राहुलने घटनास्थळी न थांबता तिथून पळ काढला होता.याप्रकरणी त्याच्या विरोधात भादंवि कायदा कलम 279,मोटार वाहन कायदा कलम 184,185,134 (ब) प्रमाणे गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
