खेड तालुक्यातील मुळगाव येथील खाण मालकाने महावितरणच्या दोन कमर्शियल मीटर मध्ये छेडछाड करून तब्बल 26 लाख रुपये किमतीची वीज चोरी केल्याचे समोर आले.
गेल्या अनेक वर्षांपासूनची ही रत्नागिरी जिल्ह्यातली सर्वात मोठी वीज चोरी असल्याचे बोलले जात आहे.खेड तालुक्यातील खाडीपट्टा विभागात असणाऱ्या मुळगाव या गावात डोंगरांमध्ये मोठ्या प्रमाणावर जांभ्याच्या खाणी सुरू आहे.
त्यातील रामचंद्र बुदर या खाण मालकाने कमर्शिअल मीटर मध्ये छेडछाड करून मोठ्या प्रमाणावर वीज चोरी केली. तसेच स्वतःच्या आर्थिक फायद्यासाठी जांभा कट करण्यासाठी लागणारी मशीन वीज चोरी करून चालवण्यात आली.
याबाबत गोपनीय माहिती महावितरणच्या ठाणे येथील भरारी पथकाला मिळाल्यानंतर त्यांनी उपकार्यकारी अभियंता उपविभाग लोटे यांच्या सोबत जाऊन थेट मुळगाव येथील जांभा खाण येथे धाड टाकली. यावेळी मोठ्या प्रमाणात त्यांनी वीज चोरी केल्याचे उघड झाले.
दोन्ही मीटरमध्ये छेडछाड केल्याने नियमाप्रमाणे रामचंद्र बाबूजी बदर यांना हजारो युनिट चोरी करून वापरल्याबद्दल दोन बिले अदा करण्यात आली आहेत. त्यामध्ये 13 लाख 34 हजार 390 तर दुसरे बिल 12 लाख 89 हजार 880 अशाप्रकारे 26 लाख 24 हजार 230 रुपयांचे वीज चोरी केल्याची बिल देण्यात आली आहे.
तसेच त्यांनी ही रक्कम लवकरात लवकर भरायची आहे. महावितरणच्या ठाणे येथील भरारी पथकाने यासंदर्भात पंचनामा केला असून संबंधित खाण मालक रामचंद्र भागोजी बुदर यांच्यावर पुढील काही दिवसात कायदेशीर कारवाई देखील करण्यात येणार असल्याचे सांगण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
