झोपेत वृद्ध महिलेचा खून करुन तिच्या अंगावरील साेन्याची माळ चोरुन नेल्याची घटना विसापूर – मधलीवाडी (ता. दापोली) येथे घडली आहे.
🔴 कोकण कट्टा Live च्या whatsapp ग्रुपमध्ये सहभागी व्हा आणि पाहा कोकणातल्या बातम्या
आपल्या मोबाईलवर*
https://chat.whatsapp.com/Lfog3VaK6G32AY4ejSaFTi
👉🏻 जाहिरात आणि बातम्या देण्यासाठी संपर्क करा 9960151909
या घटनेनंतर तालुक्यात एकच खळबळ उडाली आहे. दीपावती सीताराम घाग (८७) असे वृद्धेचे नाव असून, हा प्रकार सोमवारी सकाळी उघडकीला आला. दागिन्यासाठीच हा खून करण्यात आल्याचा संशय व्यक्त करण्यात येत आहे.
या प्रकाराबाबत या महिलेच्या मुलाने फिर्याद दिली आहे. दीपावती घाग या वयोवृद्ध आणि आजारी होत्या. त्या विसापूर येथील मधलीवाडीतील विश्रांतीनगर येथे एकट्याच राहत होत्या.
हा खून रविवारी (१६ जुलै) ते सोमवारी (१७ जुलै) सकाळी ७ वाजण्याच्या दरम्यान हा खून झाल्याचे फिर्यादीत म्हटले आहे. दीपावती घाग या रविवारी रात्री घरामध्ये झोपल्या होत्या.
त्यांच्या वयोवृद्ध व आजारपणाचा फायदा घेऊन कोणीतरी अज्ञात व्यक्तीने घरात प्रवेश केला. त्याने वृद्धेच्या छातीवर जोराचा प्रहार करून त्यांचा खून केला.
त्यानंतर त्याने महिलेच्या गळ्यातील ७८ हजार रुपये किमतीची सोन्याची बोरमाळ चाेरून नेल्याचे समोर आले आहे.
वृद्धेच्या खुनाच्या घटनेनंतर तालुक्यात एकच खळबळ उडाली असून, याबाबत दापोली पोलिसांनी अज्ञातावर गुन्हा दाखल केला आहे. पोलिसांनी या घटनेचा पंचनामा करुन मारेकऱ्याचा शोध घेण्यास सुरुवात केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
