चिपळूण परिसरात झालेल्या वादळी वाऱ्यामुळे महावितरणचे तब्बल ५१ लाख रुपयांचे नुकसान झाले आहे. पोल व विद्युत तारा तुटून चिपळूण व गुहागर तालुक्यात हे नुकसान झाले असून या वादळी पावसामुळे तब्बल ८५ हजार ५०० वीज ग्राहकांचा वीजपुरवठा खंडित झाला.
महावितरणच्या कर्मचाऱ्यांनी रात्रंदिवस अथक प्रयत्न करून हा वीजपुरवठा सुरळीत केला आहे. तालुक्याला वळवाच्या पावसाने जोरदार तडाखा दिला. दि. १६ रोजी झालेल्या वादळी पावसाने महावितरणच्या चिपळूण विभागाला मोठा फटका बसला असून लाखोंचे नुकसान झाले आहे.
सोसाट्याचा वारा आणि पावसामुळे चिपळूण तालुक्यातील २४ उच्चदाब वाहिनीचे पोल व ५३ लघुदाब वाहिनीचे पोल, तसेच वीजवाहिनीचे ५६ गाळे पडून जमिनदोस्त झाले. यामुळे अनेक भागात रात्री उशिरापर्यंत वीजपुरवठा खंडित होता. त्यामुळे रात्रभर वीज गायब होती.
महावितरणच्या अधिकारी व कर्मचाऱ्यांनी वीजपुरवठा सुरू करण्यासाठी रात्रंदिवस प्रयत्न केले. ज्या ठिकाणी पोल पडले आहेत, तारा तुटल्या आहेत तेथील वीज खंडित करून उर्वरित ठिकाणी वीजपुरवठा सुरू करण्यात आला.
या वादळामुळे चिपळूण शहर तसेच खडपोली, कोळकेवाडी, पेढांबे, कादवड, सावर्डे, कोकरे, परनाकवाडी, दुर्गेवाडी, तिवरे, चिंचघरी, चिवेली, गावठाण, वालोपे, धामणवणे, गणेशवाडी, कळवंडे, कळवंडे वरपेवाडी, शिरळ मोहल्ला, मिरजोळी, जुवाड, कापसाळ तर चिपळूण मार्कडी आदी भागातील वीज पुरवठा खंडित झाला होता.
*
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
