चिपळूण तालुक्यातील शिरगाव परिसरात अलोरे–शिरगाव पोलिसांनी केलेल्या तातडीच्या कारवाईत कत्तलीसाठी अवैधपणे नेण्यात येणारे तीन बैल आणि त्यांची वाहतूक करणारी बोलेरो पिकअप गाडी जप्त करण्यात आली आहे. गुरांची वाहतूक अतिशय निर्दयतेने व अमानुष पद्धतीने करण्यात येत असल्याची खात्री झाल्यानंतर पोलिसांनी ही कारवाई केली.
या कारवाईत पोलिसांनी एकूण ₹5,05,000 किमतीचा मुद्देमाल जप्त केला आहे.
१८ नोव्हेंबरनंतर सतत मिळत असलेल्या गुप्त माहितीनुसार खेड–चिपळूण मार्गे कुंभार्ली घाटातून गुरांची वाहतूक करून सांगली जिल्ह्यातील मायणी येथे कत्तलीसाठी नेली जात असल्याची माहिती पोलिसांना मिळत होती. यावरून २२ नोव्हेंबर रोजी संध्याकाळी सव्वासहा वाजण्याच्या सुमारास अलोरे–शिरगाव पोलिसांनी शिरगाव येथील शिवाजी चौक येथे नाकाबंदी केली.
नाकाबंदीत पांढऱ्या रंगाची बोलेरो पिकअप (MH 11 DV 0481) संशयित स्थितीत दिसताच पोलिसांनी तिची तपासणी केली. तपासणीदरम्यान वाहनाच्या हौद्यात तीन बैल अत्यंत कोंबून, दाटीवाटीने, आखूड दोरीने मानेला घट्ट बांधलेले आढळले. छोट्या जागेत त्यांना कोंबून ठेवले असल्याने त्यांना सतत वेदना व यातना होत असल्याचे स्पष्ट दिसत होते. या संदर्भात संकेत रघुनाथ जाधव (वय 27, रा. कुंभळी, घागवडी, ता. चिपळूण) यांनी अधिकृत तक्रार पोलिसांकडे दाखल केली.
तपासात ही वाहतूक विनापरवाना व संघटित संगनमताने केली जात असल्याचे स्पष्ट झाले. त्यामुळे खालील तिघांविरुद्ध गुन्हा दाखल करण्यात आला आहे:
1.सचिन रंगराव चव्हाण (वय 30), रा. लोटे, आवाशी, ता. खेड
2.सचिन मुरलीधर चव्हाण (वय 25), रा. खवटी, ता. खेड
3.रुद्र राजेंद्र दळवी (वय 17), रा. गुणदे, देवुळवाडी, ता. खेड
नाकाबंदीत पांढऱ्या रंगाची बोलेरो पिकअप (MH 11 DV 0481) संशयित स्थितीत दिसताच पोलिसांनी तिची तपासणी केली. तपासणीदरम्यान वाहनाच्या हौद्यात तीन बैल अत्यंत कोंबून, दाटीवाटीने, आखूड दोरीने मानेला घट्ट बांधलेले आढळले. छोट्या जागेत त्यांना कोंबून ठेवले असल्याने त्यांना सतत वेदना व यातना होत असल्याचे स्पष्ट दिसत होते. या संदर्भात संकेत रघुनाथ जाधव (वय 27, रा. कुंभळी, घागवडी, ता. चिपळूण) यांनी अधिकृत तक्रार पोलिसांकडे दाखल केली.
तपासात ही वाहतूक विनापरवाना व संघटित संगनमताने केली जात असल्याचे स्पष्ट झाले. त्यामुळे खालील तिघांविरुद्ध गुन्हा दाखल करण्यात आला आहे:
1.सचिन रंगराव चव्हाण (वय 30), रा. लोटे, आवाशी, ता. खेड
2.सचिन मुरलीधर चव्हाण (वय 25), रा. खवटी, ता. खेड
3.रुद्र राजेंद्र दळवी (वय 17), रा. गुणदे, देवुळवाडी, ता. खेड
या तिघांनी एकमेकांच्या मदतीने आणि परवानगी न घेता गुरे वाहतूक केल्याचे स्पष्ट झाले आहे. यापैकी एक आरोपी अवघ्या १७ वर्षांचा असल्याने हे प्रकरण आणखी गुंतागुंतीचे बनले आहे.
जप्त केलेला मुद्देमाल (एकूण ₹5,05,000)
🐄 ताब्यात घेतलेले बैल — ₹1,00,000
•तांबडा बैल (10 वर्षे) → ₹30,000
•तांबडा बैल (12 वर्षे) → ₹30,000
•पांढरा बैल (12 वर्षे) → ₹40,000
वाहन व इतर साहित्य — ₹4,05,000
•बोलेरो पिकअप गाडी → ₹4,00,000
•लाल रंगाचा छकडा (बैलगाडी शर्यतीसाठी वापरला जाणारा) → ₹5,000
घटनास्थळावरून पोलिसांनी सर्व जनावरे सुरक्षित ताब्यात घेतली असून त्यांना आवश्यक उपचार व काळजी देण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
