गुहागर गणेशखिंड–सावर्डे मार्गे रत्नागिरीकडे जाणाऱ्या एसटी बसचा आपत्कालीन दरवाजा अचानक उघडल्याने बसमधून एक महिला बाहेर फेकली गेली. ही घटना आज (रविवार) सकाळी घडली असून, सुदैवाने मोठा अनर्थ टळला आहे.
या घटनेत प्रियंका विनोद कुंभार या महिला जखमी झाल्या असून त्यांच्यावर डेरवण रुग्णालयात उपचार सुरू आहेत.
प्रियंका कुंभार या गुहागर–रत्नागिरी या एसटी बसने प्रवास करत असताना, दहिवली ते सावर्डे या दरम्यान ही दुर्घटना घडली.
अपघाताची माहिती मिळताच शिवसेना तालुका प्रमुख रुपेश घाग आपल्या सहकाऱ्यांसह तातडीने घटनास्थळी दाखल झाले आणि मदतकार्य केले.
या विचित्र प्रकारामुळे प्रवाशांमध्ये भीतीचे वातावरण निर्माण झाले आहे.
ऐन दिवाळीत ही घटना घडल्याने लोकांमध्ये चर्चा सुरू असून, “त्यांचा काळ आला होता पण वेळ आली नव्हती,” असे बोलले जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
