लांजा-साटवली मार्गावर शुक्रवारी दुपारी खावडी येथे एस. टी. बस आणि मारुती ओमनी व्हॅन यांच्यामध्ये अपघात झाला. या अपघातात पाचजण जखमी झाले.
अपघातातील जखमींना उपचारासाठी लांजा ग्रामीण रुग्णालय येथे दाखल करण्यात आले. अपघातात आत्माराम पळसमकर हे गंभीर जखमी झाले.
त्यांना अधिक उपचारासाठी जिल्हा रुग्णालयात हलविण्यात आले. या अपघाताबाबत लांजा पोलिसांनी दिलेल्या माहितीनुसार लांजा आगाराची लांजा-बापरे एसटी बस (क्र. एम. एच.१४, बी. टी- २२८६, चालक- विनोद पांडुरंग पाटील) लांजाहून बापरेच्या दिशेने निघाली होती.
बस लांजामधून खावडी येथे आली असता, याचदरम्यान खावडीहून लांजाच्या दिशेने जाणारी ओमनी व्हॅन (क्र. एम एच ०४, ए. पी. ९५६६) मध्ये जोरदार धडक बसली.
अपघातग्रस्त ओमनी व्हॅनमधील संतोष शांताराम नामे (३५ वर्षे, रा.खावडी), आत्माराम महादेव पळसमकर (६५ वर्षे, रा. निओशी), प्रदीप राजाराम करंबे (५२ वर्षे, रा. खावडी), शुभांगी संतोष नारकर (५७, वर्षे, रा. मुंबई), ललिता लक्ष्मण तांबे (४०, रा. निओशी) असे एकूण पाचजण जखमी झाले
असून जखमींमध्ये तीन पुरुष व दोन महिलांचा समावेश आहे. यात आत्माराम पळसमकर हे गंभीर जखमी झाले. या बाबत अधिक तपास लांजा पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
