दापोली तालुक्यात गेल्या काही दिवसांपासून थंडीचा जोर कायम असून मागील २४ तासांत किमान तापमान ८ अंश सेल्सिअसपर्यंत घसरले आहे. ग्रामीण कृषि मौसम सेवा आणि डॉ. बाळासाहेब सावंत कोकण कृषी विद्यापीठाच्या कृषि विद्या विभागाकडून नोंदविण्यात आलेल्या माहितीनुसार दापोलीतील कमाल तापमान ३१.२ अंश सेल्सिअस इतके नोंदले गेले आहे.
गतवर्षी याच तारखेला दापोलीत कमाल तापमान ३३.२ अंश तर किमान तापमान ९ अंश सेल्सिअस होते. यंदा त्याच्या तुलनेत कमाल तापमानात सुमारे २ अंशांची घट तर किमान तापमानात १ अंशांची घट झाल्याने थंडीची तीव्रता अधिक जाणवत आहे.
थंड हवामानाचा परिणाम सकाळच्या वेळी अधिक जाणवत असून दापोली शहरासह ग्रामीण भागात पहाटे व सकाळी दव पडण्याचे प्रमाण वाढले आहे. त्यामुळे नागरिकांनी उबदार कपड्यांचा वापर वाढविला असून शेतकऱ्यांमध्येही थंडीबाबत चर्चा सुरू आहे.
कृषी तज्ज्ञांच्या मते, सध्याचे हवामान भाजीपाला व काही पिकांसाठी अनुकूल असले तरी अतिथंडीमुळे काही पिकांवर दुष्परिणाम होऊ शकतो. त्यामुळे शेतकऱ्यांनी पिकांवर योग्य काळजी घ्यावी, पाणी व्यवस्थापन योग्य ठेवावे तसेच हवामान अंदाजावर लक्ष ठेवावे, असे आवाहन करण्यात आले आहे.
दरम्यान, पुढील काही दिवसांतही सकाळी थंडी कायम राहण्याची शक्यता असल्याने नागरिकांनी आरोग्याची काळजी घेण्याचे आवाहन करण्यात आले आहे.
सौजन्य : ग्रामीण कृषि मौसम सेवा
कृषि विद्या विभाग
डॉ. बा.सा.कों.कृ.वि., दापोली
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
