दापोली तालुक्यातील गिम्हवणे उगवतवाडी येथे एका विवाहितेने विहिरीत उडी मारून आत्महत्या केल्याची दुर्दैवी घटना घडली आहे. प्रिशा सुदेश वाडकर (वय २८ वर्षे, विवाहपूर्वीचे नाव पूनम परशुराम मोरे) असे मृत महिलेचे नाव असून या घटनेची नोंद दापोली पोलीस स्थानकात करण्यात आली आहे.
दापोली पोलिसांकडून मिळालेल्या माहितीनुसार, मयत प्रिशा ही रामचंद्र श्रीपत जाडे (रा. खेर्डी देऊळवाडी, ता. दापोली, जि. रत्नागिरी) यांची भाची असून ती गेल्या सुमारे दोन वर्षांपासून माहेरी आई प्रतिभा परशुराम मोरे यांच्यासोबत गिम्हवणे उगवतवाडी येथे राहत होती. दरम्यान, प्रिशाच्या आई प्रतिभा मोरे या सुमारे सात दिवसांपूर्वी मुंबई येथे आपल्या सुनेच्या बाळंतपणासाठी गेल्या होत्या. त्यामुळे प्रिशा ही घरात एकटीच राहत होती.
काल सोमवार, दिनांक ५ जानेवारी रोजी सकाळी सुमारे १०.३० वाजण्याच्या सुमारास गिम्हवणे उगवतवाडी येथील तिच्या राहत्या इमारतीच्या शेजारी असलेल्या विहिरीमध्ये एक महिला पाण्यात उपडी स्थितीत तरंगताना दिसून आली. ही बाब ग्रामस्थांच्या निदर्शनास येताच त्यांनी तातडीने घटनास्थळी धाव घेत विहिरीत उतरून प्रिशाला बाहेर काढले.
त्यानंतर तिला तात्काळ रुग्णवाहिकेतून उपजिल्हा रुग्णालय, दापोली येथे दाखल करण्यात आले. मात्र, डॉक्टरांनी तपासणीअंती तिला मृत घोषित केले. या घटनेमुळे परिसरात हळहळ व्यक्त करण्यात येत असून कुटुंबीयांवर शोककळा पसरली आहे.
या प्रकरणी दापोली पोलीस स्थानकात आकस्मिक मृत्यूची नोंद करण्यात आली असून आत्महत्येचे नेमके कारण अद्याप स्पष्ट झालेले नाही. पुढील तपास दापोली पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
