चिपळूणमध्ये शनिवारी रात्री पूल दुर्घटना घडली. चिपळूण तालुक्यातील खडपोली एमआयडीसीकडे जाणारा महत्वाचा पूल कोसळला.
शनिवारी रात्री उशिरा ही घटना घडली असून 1965 च्या सुमारास हा ब्रीज बांधण्यात आला होता. हा पूल जीर्ण झाल्याने कोसळल्याचा अंदाज आहे. भाजप नेते प्रशांत यादव यांनी कोसळलेल्या पुलाची पाहणी केली आहे. नवीन पुलाचे काम तातडीने सुरू करण्यासंदर्भात मुख्यमंत्री देवेंद्र फडणवीसआणि सार्वजनिक बांधकाम मंत्री शिवेंद्रसिंह भोसले यांना निवेदन दिल्याची माहिती प्रशांत यादव यांनी दिली आहे.
यासोबतच, चिपळूण तालुक्यातील सर्वच जीर्ण पुलांचे स्ट्रक्चरल ऑडिट करून धोकादायक पुलांबाबत तातडीने निर्णय घेण्यात यावेत, यासाठी राज्य शासनाकडे पाठपुरावा करणार असल्याचे आश्वासन स्थानिकांना यादव यांनी दिला आहे. यावेळी पिंपळीचे माजी सरपंच दादा देवरुखकर, चिपळूण तालुका सरपंच संघटनेचे अध्यक्ष योगेश शिर्के, राहुल पवार, अजित पवार आदी उपस्थित होते.
खडपोली येथील एमआयडीसीकडे जाणारा प्रमुख रस्ता हा स्थानिक नागरिकांसह औद्योगिक वाहतुकीसाठी अत्यंत महत्त्वाचा दुवा ठरतो. संबंधित मार्गावर दोन जुने पुल आहेत. सध्या त्यांची अत्यंत जीर्ण अवस्था झालेली आहे. त्यामुळे या दोन्ही पुलांचे नव्याने बांधकाम व्हावे, यासाठी जिल्ह्याचे पालकमंत्री उदय सामंत यांच्याकडे यापूर्वीच पाठपुरावा केला असल्याचं यादव यांनी सांगितलं.
पावसाळ्यानंतर तातडीने काम सुरू करावे, अशी सूचना सुद्धा संबंधित विभागाला देण्यात आली होती. मात्र, काम सुरू होण्यापूर्वीच पूल कोसळल्याची दुर्घटना घडली. या दुर्घटनेची दखल घेऊन पुलाचे काम तातडीने सुरू व्हावे यासाठी प्रशांत यादव शासनाकडे पाठपुरावा करणार असल्याचं आश्वासन दिलं आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
