नांदिवसे मार्गावरील गाणे (राजवाडा) येथील रस्त्यावर आज दुपारी घडलेल्या भीषण अपघाताने परिसर हादरला. दोन दुचाकीस्वार समोरासमोर आदळल्याने मोठा अपघात झाला असून संदीप शांताराम जाधव (२५, रा. ओवळी) आणि यश सूर्यकांत घडशी (२०, रा. घडशीवाडी, कळकवणे) हे दोघे गंभीर जखमी झाले आहेत.
या अपघातामुळे रस्त्याच्या मधोमध रक्त सांडल्याचे भयावह दृश्य पाहायला मिळाले. अपघात घडल्यानंतर परिसरात घबराट निर्माण झाली. समाजसेवक
. स्वप्निल शिंदे यांनी तातडीने प्रसंगावधान राखत दोन्ही जखमींना डेरवण येथील वालावलकर रुग्णालयात दाखल केले. सध्या त्यांची प्रकृती चिंताजनक असून वैद्यकीय उपचार सुरू आहेत.
अपघातग्रस्तांपैकी यश घडशी हा खडपोली एमआयडीसीमधील एका खासगी कंपनीत कार्यरत असून, अपघाताची माहिती मिळताच गावातील नागरिक व अॅड. अमित अशोकराव कदम तात्काळ रुग्णालयात पोहोचले. त्यांनी जखमींवर लक्ष ठेवत वैद्यकीय मदतीसाठी पुढाकार घेतला आहे.
अपघाताचे नेमके कारण स्पष्ट झाले नसले तरी, बेधडक आणि भरधाव वाहनचालनामुळेच अशा दुर्घटना घडत असल्याची चिंता स्थानिकांनी व्यक्त केली आहे. घटनेचा अधिक तपास पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
