लाईफ टाईम क्रेडिट कार्डसाठी पुरविलेल्या माहितीतून येथील एका सेवानिवृत्त वयोवृद्ध व्यक्तीची तब्बल ६ लाखांची ऑनलाइन फसवणूक केल्याची घटना २० मार्च २०२५ रोजी शहरातील बहादूरशेख नाका येथे घडली. याप्रकरणी अनोळखी दोन व्यक्तीवर चिपळूण पोलिस स्थानकात गुन्हा दाखल करण्यात आला आहे.
याबाबतची फिर्याद विजय हरी बापट (७२, रा. परांजपे स्कीम एफ-२, बहादूरशेख नाका, चिपळूण) यांनी चिपळूण पोलिस स्थानकात दिली. त्यांचे आयडीबीआय बँक शाखा चिपळूण येथे जॉईंट अकाऊंट व सेव्हिंग अकाऊंट आहे. फेसबुक या सोशल मीडियावर आलेल्या लाईफ टाईम क्रेडिट कार्डच्या एका जाहिरातीवर क्लिक करून बापट यांनी १९ मार्च २०२५ रोजी फॉर्ममध्ये स्वत:ची माहिती भरली होती.
२० मार्च रोजी त्यांच्या मोबाइलवर अनोळखी व्यक्तींनी फोन करून तुम्हाला क्रेडिट कार्ड पाहिजे का, असे त्यांना विचारले. त्यानंतर त्या अनोळखी व्यक्तीला बापट यांनी एटीएम कार्डची सर्व माहिती पुरवून पिन नंबरही सांगितला. त्यानंतर त्यांच्या बँक अकाऊंटमधून पैसे गेल्याचे बँकेच्या अॅपमधून दिसून आले.
त्यांनी याबाबत खात्री केली असता त्यांच्या बचत खाते व मुदत ठेवीतील एकूण ६ लाख रुपये ऑनलाइन काढून घेऊन घेण्यात आल्याचे स्पष्ट झाले. त्यांनी दिलेल्या
तक्रारीवरून चिपळूण पोलिस स्थानकात मोबाइलवरून संभाषण करणाऱ्या दोन अनोळखी व्यक्तींविरोधात भारतीय न्यायसंहिता अधिनियम २०२३ चे कलम ३१८ (४), माहिती तंत्रज्ञान अधिनियम २००० चे कलम ६६ (४) प्रमाणे गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
