चिपळूण बाजारपेठेत एका भरधाव कारने वन-वे मधून प्रवेश करीत अनेक वाहनांना धडक दिली. यामध्ये एकजण जखमी झाला. या अपघातात विजय प्रकाश सकपाळ (35, रा. बहादूरशेख चौक, गुरुकुल कॉलेजजवळ) असे जखमीचे नाव आहे.
याप्रकरणी शहरातील रावतळे भागात राहणारा व लोटे येथील एका रंगाच्या कंपनीत अधिकारी पदावर कार्यरत असणारा दीपक लक्ष्मण जोशी याच्यावर चिपळूण पोलिसांनी गुन्हा दाखल केला आहे.
ही घटना दि. 26 मार्च रोजी रात्री 10 वाजण्याच्या सुमारास बाजारपेठेतील सिद्धकला मोबाईल शॉपीसमोर घडली. पोलिसांनी दिलेल्या माहितीनुसार, विजय सकपाळ हे आपल्या मित्राबरोबर मोटारसायकलवरून बहादूरशेख नाका ते चिपळूण बाजारपेठ येथे जात होते.
यावेळी सिद्धकला मोबाईल शॉपीसमोर त्यांची दुचाकी येताच समोरून भरधाव वेगाने येणार्‍या कारने त्यांच्या दुचाकीला धडक दिली. यावेळी ते उजव्या बाजूस पडले व त्यांच्या पायाला दुखापत झाली. शिवाय दुचाकीचा वायजर फुटून गाडीचेही नुकसान झाले.
या प्रकरणी चिपळूण पोलिसांनी दीपक जोशी याच्यावर गुन्हा दाखल केला आहे. संबंधित कारने बाजारपेठेतून वन-वे मधून कार चालवून अनेक दुचाकींना धडक दिल्याचे सांगण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
