चिपळूणमध्ये लोकांबरोबर वादावादी केल्यानंतर या वादाचं कारण समजून घेत असताना दोघा तरुणांनी चिपळूण पोलीस ठाण्यात पोलीस अंमलदाराला धक्काबुक्कीसह शिवीगाळ केल्याची घटना शुकवारी घडली.
या प्रकरणी दोघांना अटक करण्यात आली असून शनिवारी त्यांना न्यायालयात हजर केले असता न्यायालयीन कोठडी सुनावण्यात आली आहे.
सचिन दादासो तुपे (34), विशाल वसंत खांडेकर (24, खानापूर-सांगली) अशी गुन्हा दाखल झालेल्याची नावे आहेत. याची फिर्याद सहाय्यक पोलीस उपनिरीक्षक अशोक सोमनाथ राठोड यांनी दिली.
पोलिसांनी दिलेल्या माहितीनुसार, सचिन तुपे, विशाल खांडेकर या दोघांनी कळंबस्ते फाटा येथे ग्रामस्थांशी वादावादी केली होती.
या प्रकरणी त्यांना पोलीस ठाण्यात आणल्यांनतर झालेल्या वादावादीचे नेमके कारण अशोक राठोड हे समजून घेत होते. त्यावेळी ते त्यांचे शासकीय कर्तव्य बजावत होते.
असे असताना विशाल खांडेकर याने राठोड यांचा गळा पकडून त्यांना शिवीगाळ केली.याशिवाय त्यांची वर्दीही खेचली.
या प्रकरणी राठोड यांच्या शासकीय कर्तव्यात अडथळा निर्माण केल्यासह शिवीगाळ केल्याप्रकरणी दोघांवर गुन्हा दाखल करण्यात आला. त्यानंतर त्या दोघांना अटक करुन शनिवारी न्यायालयात हजर केले असता त्यांना न्यायालयीन कोठडी सुनावण्यात आली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
