संगमेश्वर : बांगलादेशातील महिला कोकणात, महिलेला अटक; बनावट आधार-पॅनकार्ड प्रकरणामुळे खळबळ

संगमेश्वर तालुक्यातील आंबेड खुर्द येथे बांगलादेशातून बेकायदेशीरपणे भारतात आलेल्या एका महिलेला आश्रय देऊन तिची बनावट कागदपत्रे तयार केल्याचा धक्कादायक प्रकार उघडकीस आला आहे.

या प्रकरणी Sangameshwar Police Station च्या पथकाने ६ मार्च २०२६ रोजी रात्री उशिरा कारवाई करत संबंधित बांगलादेशी महिलेसह तिला मदत करणाऱ्या तिच्या पतीवर विविध कलमान्वये गुन्हा दाखल केला आहे. या घटनेमुळे संगमेश्वर तालुक्यात मोठी खळबळ उडाली असून सुरक्षा यंत्रणा सतर्क झाल्या आहेत.

पोलिसांनी दिलेल्या माहितीनुसार, आंबेड खुर्द येथील मुस्लिम मोहल्ल्यात राहणाऱ्या युसूफ महंमद सय्यद याने सिनेम युसूफ सय्यद उर्फ शांतना अहमद खान (मूळ रा. खिलगाव, जिल्हा गाजीपूर, ढाका, Bangladesh) ही परदेशी नागरिक असल्याचे माहिती असतानाही तिच्याशी विवाह केला. त्यानंतर तिला आश्रय देत भारतीय नागरिक असल्याचे भासवण्यासाठी तिची बनावट Aadhaar Card आणि PAN Card तयार करून घेतल्याचा आरोप आहे.

याच बनावट कागदपत्रांच्या आधारे Canara Bank मध्ये खाते उघडण्यात आले असून भारतीय प्रशासकीय व बँकिंग व्यवस्थेची फसवणूक झाल्याचे पोलिस तपासात समोर आले आहे.

दरम्यान, मिळालेल्या गुप्त माहितीनुसार ६ मार्च रोजी दुपारी संगमेश्वर पोलिसांनी आंबेड खुर्द येथील संशयित पत्त्यावर छापा टाकला. या वेळी संबंधित महिला कोणत्याही वैध कागदपत्रांशिवाय भारतात अवैधरित्या वास्तव्यास असल्याचे स्पष्ट झाले. महिला पोलीस कॉन्स्टेबल कोमल ढोले यांच्या फिर्यादीवरून रात्री उशिरा गुन्हा नोंदवण्यात आला.

या प्रकरणी आरोपींविरुद्ध Bharatiya Nyaya Sanhita, Passport (Entry into India) Rules तसेच Foreigners Act 1946 अंतर्गत गुन्हे दाखल करण्यात आले आहेत.

दरम्यान, थेट बांगलादेशातील महिला कोकणात येऊन सरकारी कागदपत्रे कशी तयार करू शकली आणि यामागे मोठे बनावट कागदपत्रांचे रॅकेट कार्यरत आहे का, याचा तपास पोलीस करत आहेत.

प्रतिनिधी

वेगवान बातमी, अचूक आणि थेट भूमिका !

कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*