रत्नागिरी शहरातील क्रांतीनगर झोपडपट्टी परिसरातील कचरा डेपोत शनिवारी (१० जानेवारी) सायंकाळच्या सुमारास अवघ्या एक दिवसाचे जिवंत नवजात पुरुष जातीचे अर्भक आढळून आल्याने परिसरात एकच खळबळ उडाली.
या घटनेची माहिती परिसरातील नागरिकांनी जितेंद्र उर्फ दादा कदम यांना दिली. परिस्थितीचे गांभीर्य ओळखून दादा कदम यांच्यासह आनंद कट्टीमणी, परशुराम धोत्रे आणि सागर चव्हाण यांनी तातडीने त्या अर्भकाला उचलून जिल्हा शासकीय रुग्णालयात दाखल केले.
सध्या या नवजात अर्भकावर रुग्णालयातील बाल अतिदक्षता विभागात उपचार सुरू असून त्याची प्रकृती स्थिर असल्याचे सांगण्यात येत आहे. या घटनेची माहिती शहर पोलिसांना देण्यात आली आहे.
माहिती मिळताच शहर पोलिसांची टीम घटनास्थळी दाखल झाली. या प्रकरणी रात्री उशिरापर्यंत शहर पोलिस ठाण्यात नोंद करण्याची प्रक्रिया सुरू होती. दरम्यान, पोटच्या गोळ्याला अशा प्रकारे उघड्यावर टाकून देणाऱ्या निर्दयी माता-पित्याचा शोध घेणे हे शहर पोलिसांसमोर मोठे आव्हान ठरणार आहे.
या प्रकरणाचा कसून तपास सुरू असून परिसरातील सीसीटीव्ही फुटेज तसेच रुग्णालयांमधील प्रसूती नोंदी तपासल्या जात आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
