मुंबईतील छत्रपती शिवाजी महाराज टर्मिनस येथील फलाटांच्या विस्तारीकरणाचे काम सुरू असल्याने याचा परिणाम कोकणातून येणाऱ्या तीन गाड्यांवर होणार आहे.
कोकणातून सीएसएमटीपर्यंत धावणाऱ्या या गाड्या २८ फेब्रुवारीपर्यंत दादर स्थानकापर्यंतच धावणार आहेत. यामुळे प्रवाशांना दादरपासून पुढील प्रवासाकरिता अन्य रेल्वे व इतर वाहनांचा आधार घ्यावा लागणार आहे. गत वर्षांपासून छत्रपती शिवाजी महाराज टर्मिनस फलाट क्रमांकाच्या विस्तारीकरणाची कामे सुरू आहेत.
सद्यस्थितीमध्ये फलाट क्रमांक १२ व १३चे काम कोकण रेल्वेने हाती घेतले आहे. या कामांमुळे कोकणातून सीएसएमटीपर्यंत धावणाऱ्या गाड्यांच्या अंतिम स्थानकांमध्ये बदल करण्यात आला आहे.
त्यानुसार गाडी क्रमांक १२१३४ मंगळूर एक्स्प्रेस ही गाडी ठाण्यापर्यंत धावणार आहे, तर गाडी क्रमांक १२१२० मडगाव सीएसएमटी तेजस एक्स्प्रेस आणि गाडी क्रमांक १२०५२ मडगाव सीएसएमटी जनशताब्दी एक्स्प्रेस या दोन गाड्या दादरपर्यंत चालवून अंशतः रद्द केल्या जाणार आहेत.
त्यामुळे कोकणातून सीएसएमटीपर्यंत जाणाऱ्या प्रवाशांना अंतिम स्थानक म्हणून दादर येथे उतरावे लागणार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
