वेलदूर नवानगर मराठी शाळेमध्ये हरघर तिरंगा उपक्रमा अंतर्गत विद्यार्थ्यांच्या हातात तिरंगा ध्वज व क्रांतिकारकांची नावे असणारे फलक देऊन प्रभात फेरी काढण्यात आली.
त्यावेळी शाळेचे मुख्याध्यापक मनोज पाटील, सामाजिक कार्यकर्ते सुदाम कोळथरकर, शिक्षणप्रेमी शंकर कोळथरकर ,शाळेच्या उपशिक्षिका अंजली मुद्दमवार,
धन्वंतरी मोरे सुषमा गायकवाड व पदवीधर शिक्षिका अफसाना मुल्ला त्याचबरोबर अंगणवाडी सेविका सोनिया नाटेकर व मत्स्यगंधा कोळथरकर अंगणवाडी मदतनीस गीता वरवटकर, वैष्णवी कदम उपस्थित होत्या.
तसेच नशामुक्त भारत अभियानांतर्गत कार्यशाळा आयोजित करण्यात आली व अंमली पदार्थ विरुद्ध प्रतिज्ञा घेण्यात आली. शाळेच्या उपशिक्षिका अंजली मुद्दमवार यांनी हर घर तिरंगा व नशा मुक्त भारत या अभियाना विषयी मार्गदर्शन केले. शाळेच्या पदवीधर शिक्षिका अफसाना मुल्ला यांनी नशा मुक्त भारत अभियानाविषयी मार्गदर्शन केले.
त्याचबरोबर शाळेचे मुख्याध्यापक मनोज पाटील यांनी हर घर तिरंगा व नशा मुक्त भारत होणे गरजेचे आहे याविषयी सखोल असे मार्गदर्शन केले. नवानगर गावचे शिक्षण प्रेमी शंकर कोळथरकर यांनी बहुमोल मार्गदर्शन केले. सूत्रसंचालन सुषमा गायकवाड यांनी केले. आभार प्रदर्शन धन्वंतरी मोरे यांनी केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
