चिपळूण पागनाका परिसरातील महामार्गालगत असणाऱ्या एका हॉटेलमध्ये शॉर्टसर्किटने रविवारी दुपारी आग लागली. या घटनेची माहिती मिळताच चिपळूण पालिकेचे अग्निशमन बंब घटनास्थळी पाठवण्यात आले.
वेळीच आगीवर नियंत्रण मिळविल्याने मोठा अनर्थ टळला. दरम्यान, या आगीत हॉटेल व्यावसायिकाचे मोठे आर्थिक नुकसान झाले आहे. पंचनामा सांयकाळी उशिरापर्यंत सुरू होता.मुंबई-गोवा राष्ट्रीय महामार्गावरील पागनाका भागात साहिल दिवेकर यांचे हॉटेल आहे.
या हॉटेलच्या किचनमधून दुपारी एक वाजता अचानक धूर येण्यास सुरवात झाली. हॉटेलमधील चिमणीच्या ठिकाणी आग लागल्याचे लक्षात आल्यावर चिपळूणचे माजी प्रशासकीय अधिकारी प्रमोद ठसाळे यांनी आगीची खातरजमा करून तत्काळ पालिकेच्या अग्निशमन विभागाशी संपर्क साधला. आगीची माहिती मिळताच
अग्निशमन बंब घटनास्थळी दाखल झाला. वाहनचालक सुनील भोजने, फायरमन भूषण भोजने, अमोल वीर, योगेश दळवी, शुभम चिवेलकर, वैभव फणसे, आदी जवानांनी परिश्रम घेतले. आग वेळीच आटोक्यात आल्याने मोठी दुर्घटना टळली.
या आगीत चिमणी पूर्णतः जळून खाक झाली आहे तर अन्य साहित्य व यंत्रसामुग्रीसुद्धा जळून संबंधित व्यावसायिकाचे नुकसान झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
