खेडशी महालक्ष्मी मंदिराजवळ शनिवारी रात्री साडेनऊच्या सुमारास भीषण अपघात घडला. भरधाव वेगात असलेल्या ॲक्सेस दुचाकीने रस्त्यावरून जाणाऱ्या रिक्षा टेम्पोला जोरदार धडक दिल्याने भीषण अपघात घडला.
यामध्ये दुचाकीस्वार युवकाचा जागीच मृत्यू झाला तर त्याच्यासोबत असलेले अन्य दोन तरुण गंभीर जखमी झाले आहेत. हे तिघेही कपडगाव येथील रहिवासी असून ते रत्नागिरीहून कापडगावकडे ॲक्सेस दुचाकीवरून चालले होते.
पोलिसांनी दिलेल्या माहितीनुसार, निवळी येथून रत्नागिरीच्या दिशेने येणारा रिक्षा-टेम्पो (एमएच ०८ बीसी १२७९) रात्री सुमारे ९.२० वाजता खेडशी महालक्ष्मी मंदिराजवळ आला असता समोरून येणाऱ्या ॲक्सेस दुचाकीने (एमएच ०८ एडब्ल्यू १६६२) त्याला जोरदार धडक दिली.
या अपघातात दुचाकी चालवणारा राज सुधाकर कोत्रे (वय १९, रा. कापडगाव) याचा मृत्यू झाला. तर आर्यन विनोद कुरतडकर (१९) आणि पार्थ विजय कुरतडकर (१९, तिघेही राहणार कापडगाव, रत्नागिरी) हे दोघे गंभीर जखमी झाले असून त्यांच्यावर उपचार सुरू आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
