चिपळूण नगर परिषद निवडणुकीची प्रक्रिया वेगात सुरू असताना भाजपच्या संघटनाला मोठा धक्का बसला आहे. भाजपचे जिल्हा उपाध्यक्ष आणि माजी नगरसेवक परिमल भोसले यांनी पक्षाच्या प्राथमिक सदस्यत्वासह जिल्हा उपाध्यक्ष पदाचा तडकाफडकी राजीनामा दिला आहे.
मिळालेल्या माहितीनुसार, भोसले यांनी असंख्य कार्यकर्त्यांसह पक्षाचा त्याग केला असून या अचानक निर्णयामुळे स्थानिक भाजपमध्ये मोठी हालचाल आणि अस्वस्थता निर्माण झाली आहे. येणाऱ्या नगरपरिषद निवडणुकीच्या रणनीतीवर या घडामोडींचा परिणाम होण्याची शक्यता व्यक्त केली जात आहे.
भोसले उद्या (रविवारी) पत्रकार परिषद घेऊन अधिकृतरीत्या आपला राजीनामा जाहीर करणार आहेत. त्यामध्ये राजीनाम्यामागची कारणे तसेच पुढील राजकीय भूमिका स्पष्ट करण्याची अपेक्षा आहे.
परिमल भोसले हे पक्षातील सक्रिय, भूमिकादर्शक आणि प्रभावी नेतृत्व म्हणून ओळखले जात होते. त्यांच्या या निर्णयामुळे चिपळूणच्या राजकारणात मोठे राजकीय समीकरण बदलण्याची चिन्हे दिसू लागली आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
