वन विभागाच्या पथकाने मौजे राजवाडी (ब्राह्मणवाडी, साई मंदिरसमोर) येथे ६ नोव्हेंबर रोजी रात्रीच्या गस्तीदरम्यान संशायस्पद फिरणारी एक बोलेरो पिकअप वाहन (एमएच ०८ एपी ८६२१ ) थांबवून झडती घेतली असता शिकारीसाठी वापरल्या जाणाऱ्या साहित्यासह चारजणांना अटक करण्यात आली.
पोलिसांनी दिलेल्या माहितीनुसार, झडतीदरम्यान १२ बोअर बंदूक, सहा जिवंत काडतुसे, दोन हँड टॉर्च आणि पिकअप वाहन असा मुद्देमाल जप्त करण्यात आला. चौकशीत वाहनातील चौघेही शिकारीच्या उद्देशाने फिरत असल्याचे स्पष्ट झाले.
विश्वनाथ शांताराम मालप (वय २९, रा. अणदेरी, ता. संगमेश्वर), गजानन मानसिंग इंदुलकर (४३, रा. हेदली, ता. संगमेश्वर), रूपेश धोंडू पोमेंडकर (४१, रा. कारभाटले, ता. संगमेश्वर) आणि राहुल रवींद्र गुरव ( २८ , रा. तिवरे, घेरा प्रचितगड, ता. संगमेश्वर) अशी ताब्यात घेण्यात आलेल्या संशयितांची नावे आहेत.
याप्रकरणी भारतीय वन्यजीव संरक्षण अधिनियम १९७२ अंतर्गत गुन्हा नोंद करण्यात आला असून पुढील तपास सुरू आहे. ही कारवाई मुख्य वनसंरक्षक (कोल्हापूर) जी. गुरुप्रसाद (भा.व.से.), विभागीय वन अधिकारी रत्नागिरी चिपळूण गिरिजा देसाई,
तसेच सहायक वनसंरक्षक प्रियंका लगड यांच्या मार्गदर्शनाखाली करण्यात आली. कारवाईत परिक्षेत्र वन अधिकारी प्रकाश सुतार, वनपाल सागर गोसावी, वनरक्षक सूरज तेली, आकाश कडूकर, सहयोग कराडे, सुप्रिया काळे यांनी सहभाग घेतला. तसेच पोलिस पाटील अणदेरी महेंद्र होडे, राजवाडी पोलीस पाटील विलास राऊत, सुलतान मालगुंडकर, अनंत तोरस्कर यांनी सहकार्य केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
