खेड तालुक्यातील एका गावात अल्पवयीन मुलीवर अत्याचार केल्याप्रकरणी प्रशांत कमलाकर बनकर (४०, रा. टिटवाळा- कल्याण, मुंबई) या नराधमास अतिरिक्त सत्र न्यायालयाने शुक्रवारी ३ वर्षे सक्तमजुरीची शिक्षा सुनावली आहे.
ही घटना १५ मे २०१३ रोजी घडली होती. सरकारी पक्षातर्फे अॅड. मृणाल जाडकर यांनी काम पाहिले.यातील नराधम हा पीडित युवतीच्या घराशेजारी राहणाऱ्या लोकांकडे कार्यक्रमासाठी चालक म्हणून मुंबईवरून आला होता.
वाहनातील व्यक्ती कार्यक्रमांमध्ये व्यस्त असताना त्याने पीडितेवर लैंगिक अत्याचार केला. याबाबत पोलीस ठाण्यात तक्रार दाखल केल्यानंतर पोस्को अंतर्गत गुन्हा दाखल करून नराधमास अटक केली होती.
या खटल्याच्या सुनावणीदरम्यान सरकार पक्षातर्फे ७ साक्षीदार तपासण्यात आले. पीडितेची साक्ष व कागदोपत्री पुरावा ग्राह्य धरत अतिरिक्त जिल्हा सत्र न्यायालयाने नराधमास ३ वर्षे सक्तमजुरीची शिक्षा सुनावली.
२० हजार रुपयांच्या दंडाचाही समावेश असून दंड न भरल्यास एक महिना साध्या कारावासाची शिक्षाही सुनावण्यात आली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
